15 fevralda məşhur fizika alimi Qalileo Qalileyin 446 yaşı tamam olur. Dünya şöhrətli italiyan fizik, mexanik, astronom, filosof və riyaziyyatçı, səma cismlərini seyr etmək üçün ilk dəfə teleskopu kəşf etmiş, eksperimental fizikanın əsasını qoymuş öz dövrünün elminə önəmli təsirlər etmiş alim, 1564-cü ildə İtaliyanın Pizan əyalətində anadan olub. Məhz Qalileydən fizikanın bir elm olaraq başlanğıcı götürülür. Qalileo həm də dünyanın geosentrik sistemini aktiv tərəfdarı olmuş və bu da onun katolik kilsəsi ilə böyük problemlərinin yaranmasına gətirmişdir.

İlk öncə o öz həyatını tibbə həsr etmək istəyir və 1581-ci ildə Pizan universitetinə daxil olub. Arximed və Evklidin zəhmətlərindən bəhrələndikdən sonra unversiteti tərk edir və dörd il müddətinə müstəqil şəkildə riyaziyyatla məşğul olur.
1583-cü ildən başlayaraq riyaziyyata maraq göstərən Qaliley, bu sahədəki fəaliyyətləri sayəsində 1589-cü ildə Pizan universitetinə professor olaraq dəvət olunur. Lakin bu işdə çox çalışa bilmir. 1591-ci ildə atasının ölümündən sonra ailəsi onun himayəsində qalır. İlk əvvəl o kiçik qardaşının təhisili, iki subay bacılarının cehizi barədə düşünməli oldu. 1592-ci ildə Qvidobaldonun təşəbbüsü və yardımları ilə qaliley Paduansk universitetində astronomiya, mexanika və riyaziyyat sahələrini tədris etməyə başalyır. Bu ərəfədə onun ixtiraları daha məhsuldar olur. Tələbələr böyük axınla Qalileyin məruzələrinə qulaq asmağa gəlirlər. Venesiya dövlət adamları durmadan ona müxtəlif texniki avadanlıqlar düzəltməyi tapşırırdılar, kepler və o dövrün onun kimi alimləri mütəmadi olaraq Qalileylə məktublaşırdılar.
1593-cü ildə onun dinamika sahəsindən bəhs edən "mexanika” kitabı işıq üzü görür. 1604-cü ildə Qaliley yeni ulduz kəşf edir. 1609-cu ildə isə o ilk olaraq müasir teleskopu düzəldir. Teleskop vasitəsilə Qaliley ayın səthində dağları, 1610-cu ildə isə Yupiterin 4 peykini kəşf edib.
Teleskopun kəşfi Venesiya dövləti üçün o qədər böyük əhəmiyyət kəsb edir ki, Qalileyi ömürlük maaşla universitetə professor təyin edirlər. Həmçinin bu cihazın köməyilə Qaliley sübut edir ki, Yer kainatın mərkəzi deyil, o digər planetlərlə birlikdə günəşin ətrafında hərəkət edir. Teleskopun detalları barədə Qaliley "ulduz xəbərçisi” kitabında məlumat verir. Qalileo qatı dindar olmasına baxmayaraq kilsə onun kəşflərindən narazı qalaraq onu dinsiz adlandırmağa başladı. Qaliley isə əksinə Tanrını inkar etmir, sadəcə onun böyüklüyünü və elmin inkşafının xeyrlərini dünyaya aşılamaq istəyirdi. O, Romaya gedərək bunu təbliğ etmək istəyir. Lakin 5 mart 1616-ci ildə Roma geliosentrizmi təhlükəli sahə elan edərək tədrisinə qadağa qoyur. Günəşin mərkəzdə dayanması və yerin onun ətrafında hərəkət teoriyası kilsə tərəfindən uzun müddət qəbul edilmədi. Qaliley kilsə xadimləri tərəfindən həbs olundu. Ona orada bir sıra təziqlər oldu. 22 iyulda Qaliley təzyiq altında ona verilən teksti camaat qarşısında səsləndirdi. Daha sonra cəza kəsildi, Qalileyi bidətçi kimi Papanın təyin etdiyi müddətə həbs etdilər.
O, 5 ay dostunun evində qaldıqdan sonra vətəninə göndərilir. Burada o ömrünün sonuna kimi ev həbsi keçirir.