"Oğlumun müəlliminə,

Öyrənməsini lazımlı bilirəm; bütün insanların dürüst və adil olmadığını. Amma bunu da öyrət ona; hər alçağa qarşı bir qəhrəman, hər məncil siyasətçiyə qarşı özünü sübuta yetirmiş bir lider vardır. Hər düşmənə qarşılıq bir dost olduğunu da öyrət ona. Vaxt alacaq, bilirəm. Lakin əgər ona öyrədə bilsən, qazanılan bir dolların tapılan beş dollardan daha dəyərli olduğunu öyrət ona. Uduzmağı öyrət ona və həm də qazanmaqdan həzz almağı öyrət. Qısqanclıqdan uzaqlara yönəlt onu. Əgər bacarsan, səssiz qəhqəhələrin sirrini öyrət ona. Qoy tez öyrənsin, zorbaların görünüşdə qalib olduqalarını. Əgər bacarsan, ona kitabların möcüzələini öyrət. Lakin onu səssiz zamanlarda tanı. Göy üzündəki quşların, günəşin üzü önündəki arıların və yamyaşıl yamacdakı çiçəklərin əbədi sirrini düşünə biləcəyini öyrət. Məktəbdə xəta etməyin, hiylə etməkdən daha yaxşı bir şey olduğunu öyrət ona. Öz fikirlərinə inanmasını öyrət, hərkəs ona yanlış olduğunu desə də. Nazik insanlara qarşı nazik, sərt olanlara qarşı sərt olmasını öyrət ona. Hərkəs bir yöndə gedərkən, kütlələri izləməyəcək bir gücü ver oğluma. Bütün insanları dinləməyi öyrət ona. Amma bütün dinlədiklərini gerçəyin ələyindən keçirməsini və sadəcə yaxşı olanları almağını da öyrət. Əgər bacarsan, üzüldüyündə belə necə gülmək lazım olduğunu öyrət ona. Gözyaşlarında heç bir utanc olmadığını öyrət. Hərkəsin sadəcə öz yaxşılığı üçün çalışdığına inanlara dodaq bükməsini və aşırı marağa diqqət etməsini öyrət. Ona qüvvətini və beynini ən yüksək qiymət verənə satmasını, lakin heç vaxt qəlbinə və ruhuna qiymət qoymamasını öyrət. Ulayan insan izdihamına qulaqlarını tıxamasını öyrət ona. Və əgər özünün haqlı olduğuna inanırsa, dimdik dikilib döyüşməsini öyrət. Ona incə davran, amma onu qucaqlama. Çünki ancaq od qılıncı saflaşdırır. Qoy səbrsiz olacaq qədər cəsarətə sahib olsun. Qoy cəsur olacaq qədər səbri olsun. Ona özünə qarşı həmişə dərin bir inam daşımasını öyrət. Beləcə insanlığa qarşı da dərin bir inanc daşıyacaqdır. Bu, böyük bir tələbdir, nə qədərini bacarırsan bir baxaq. O, nə qədər yaxşı, kiçik bir insan, mənim oğlumdur.”